Back

ⓘ Tanah Kidul lan Antarktik Prancis iku Laladan Sabrang saka Prancis. Laladan iki kapérang: Nusa Kerguelen Archipel des Kerguelen, kapuloan gunung geni ing Sagara ..




Tanah Kidul lan Antarktik Prancis
                                     

ⓘ Tanah Kidul lan Antarktik Prancis

Tanah Kidul lan Antarktik Prancis iku Laladan Sabrang saka Prancis. Laladan iki kapérang:

  • Nusa Kerguelen Archipel des Kerguelen, kapuloan gunung geni ing Sagara Indhiyah pérangan kidul, sakidul-kuloning Aprikah, dohé udakara padha saka Aprikah, Antarktika, lan Ostrali.
  • Kapuloan Crozet Îles Crozet, kapuloan ing Sagara Indhiyah pérangan kidul, sakiduling Madagaskar.
  • Kapuloan Sumebar Îles Éparses, pulo-pulo kang sumebar ing sakitering Madagaskar.
  • Tanah Adélie Terre Adélie, laladan ing buwana Antarktika kang didhaku Prancis.
  • Pulo Saint Paul-Amsterdam Îles Saint Paul et Amsterdam, pulo cacah loro ing saloring Kapuloan Kerguelen.

Laladan iki kala-kala uga kaaran Tanah Kidul Prancis Prancis: Terres australes françaises utawa Laladan Kidul Prancis.

Watara wong 150 ing usum adhem nganti 310 ing usum panas dumunung ing Tanah Kidul lan Antarktik Prancis. Wong kang dumunung mung wong-wong militèr, punggawa praja, utawa wong kang pinuju naliti dalah punggawané. Laladan iki resminé ora duwé warga kang dumunung salawasé permanèn.

Nalika 5 Juli 2019, Tanah Kidul lan Sagara Prancis kacathet minangka Sana Pusaka Jagat World Heritage Site UNESCO.