Back

ⓘ Detasemen Khusus 88 utawa Delta 88 iku ékan mirunggan Kapulisèn Nagara Républik Indonésia kanggo pananggulangan teroris ing Indonésia. Pasukan mirunggan mawa om ..




Detasemen Khusus 88
                                     

ⓘ Detasemen Khusus 88

Detasemen Khusus 88 utawa Delta 88 iku ékan mirunggan Kapulisèn Nagara Républik Indonésia kanggo pananggulangan teroris ing Indonésia. Pasukan mirunggan mawa ompi abang iki dilatih mirunggan kanggo nangani ancaman teror, kalebu teror bom. Sawetara anggota uga minangka anggota tim Gegana.

Detasemen 88 dirancang minangka unit antiteroris kang duwé kaluwihan ngatasi gangguan teroris wiwit saka ancaman bom nganti panyanderaan. Unit mirunggan kanthi kakuwatan watara 400 personel iki dumadi saka ahli investigasi, ahli bahan peledhak penjinak bom, lan unit pemukul kang ing jeroné ana ahli penembak jitu.

                                     

1. Pambentukan

Ékan iki diresmèkaké déning Kepala Kapulisèn Laladan Metro Jaya Inspektur Jenderal Firman Gani ing tanggal 26 Agustus 2004. Detasemen 88 kang wiwitané duwé anggota 75 personil iki dibawahi Ajun Komisaris Besar Pulisi Tito Karnavian kang tau dilatih ing sawatara nagara.

                                     

2. Operasi kang diweruhi

  • 2 Januari 2007-Detasemen 88 mèlu sajeroning operasi nyekel 19 saka 29 warga Poso kang kalebu pratélan pencarian orang ing Kacamatan Poso Kutha.
  • 9 November 2005-Detasemen 88 Mabes Polri nyerbu omah buronan teroris Dr. Azahari ing Kutha Batu, Jawa Wétan kang njalari tiwasé buronan nomer siji ing Indonésia lan Malaysia mau.
  • 9 Juni 2007-Yusron al Mahfud, tersangka jaringan teroris golongan Abu Dujana, dicekel ing désa Kebarongan, Kemranjèn, Banyumas, Jateng