Back

ⓘ Wijèn iku tuwuhan asli saka Afrika Khatulistiwa, ing tlatah sing dhuwuré 1000 mèter saka sadhuwuré lumahing banyu segara. Kembangé tumancep ing antarané klanjer ..




Wijèn
                                     

ⓘ Wijèn

Wijèn iku tuwuhan asli saka Afrika Khatulistiwa, ing tlatah sing dhuwuré 1000 mèter saka sadhuwuré lumahing banyu segara. Kembangé tumancep ing antarané klanjer, pangé cendhek lan godhongé wernané ungu lan putih. Makutha kembangé ana rambuté lan ngilu kaya kelopaké. Kembangé wujudé kaya tabung mbengkong mengisor. Saben woh wijèn bisa ngasilaké punjul 50 wiji wijèn. Wiji wijèn duwé ambu kang wangi. Saliyané kanggo bahan panganan, wijèn uga bisa minangka obat.

Dat kang ana ing sajeroné wiji wijèn kaya ta: gliserida, sesamin, sesamolin, sesamol, lignans, pedaliin, plantéose, sitokrom C, protèin, prantosa, vitamin A, B1, lan Vitamin É.

                                     

1. Klasifikasi

Wijèn diklasifikasike kaya ing ngisor iki:

  • Spesies: Sesamum indicum L.
  • Super Divisi: Spermatophyta
  • Famili: Pedaliaceae
  • Kelas: Magnoliopsida
  • Genus: Sesamum
  • Sub Kelas: Asteridae
  • Kingdom: Plantae
  • Divisi: Magnoliophyta
  • Ordo: Scrophulariales
  • Subkingdom: Tracheobionta
                                     

2. Manfaaté Wijèn

Wijèn akèh gunané, Bisa kanggo tolak balak lelara, pangobatan, lan perawatan. Kanggo preventif wijèn bisa digunakaké nyegah rambut rontok, kanker, rambut uwanen, stroke, hipertènsi lansapanunggalané. Kanggo usada, wijèn minangka nambani watuk, katarak, dhiaré, kencing nanah, kencing manis, sembelit, bèsèr, rématik, lan sapanunggalané.