Back

ⓘ Lurik ya iku kain kang digawé saka prosès tenun benang lawe. Motif kain lurik iku lumrahé coraké garis-garis. Nanging ing jaman saiki, ana motif lurik kothak-ko ..




Lurik
                                     

ⓘ Lurik

Lurik ya iku kain kang digawé saka prosès tenun benang lawe. Motif kain lurik iku lumrahé coraké garis-garis. Nanging ing jaman saiki, ana motif lurik kothak-kothak ya iku gabungan antarané lurik horisontal lan lurik vertikal. Ana uga kang diarani lurik polosan, ya iku lurik kang ora ana coraké Lurik inggih punika ageman tradhisional warisan leluhur saking jaman kina lan taksih lestari dumugi sapunika

                                     

1. Motif Lurik

Motif-motif dhasar lurik ya iku:

  • Motif lajuran kanthi corak garis-garis dawa searah kain.
  • Motif cacahan ya iku motif kang awujud corak cilik-cilik.
  • Motif pakan malang kang duwé garis-garis kang searah ambané kain.

Tuladhané motif-motif kain lurik tradhisional miturut Nian S. Djoemena 2000 ya iku:

  • Kinanti
  • Kunang sekebon, lan sapanunggalané.
  • Klenthing kuning
  • Tuluh watu
  • Ketan salak
  • Kijing miring
  • Kembang bayem
  • Ketan ireng
  • Kembang mindi
  • Lasem
  • Sodo sakler
  • Lara-pati
  • Kembang telo
  • Melati secontong
  • Dom ndlesep
  • Lompong kèli
  • Jaran dawuk

Motif kain lurik kang kagolong motif anyar ya iku:

  • Polos abang
  • Yuyu sekandhang
  • Sulur ringin
  • Lintang kumelap
  • Polos putih

Motif kain bathik kang kagolong motif mutakhir ya iku:

  • Tenun iket
  • Mimi lan galer
  • Udan gerimis

Saiki lurik uga duwé motif-motif liyané kang luwih modern.

                                     

2. Sajarah lurik

Bukti-bukti kang mratelakaké yèn kain lurik iku wis ana awit jaman biyèn ya iku:

  • Sléndhang ing arca terracotta 15 M ing Trowulan, Jawa Timur.
  • Miturut prasasti saka Karajan Mataram 851-882 M mratélakaké kain lurik pakan malang.
  • Prasasti Raja Erlangga ing Jawa Timur taun 1033, mratelakaké babagan kain tuluh watu, ya iku salah sawijiné jinis kain lurik

Ngrembakané kain lurik saliyané dadi bahan klambi uga dadi bahan tas, dompèt, map, taplak, lèmèk piring, iket, rerenggan, gaun panjang lan sapanunggalané. Kartiwa, Suwati. 1983. TenunIkatIndonesiaIkats. Jakarta:Ikrar Mandiriabadi.